. ولما رجعنا قررت أجهز لجوزي عشان أديله حقه عليا، بس أول ما فتحت الشنط بتاعتي لقيت الهدوم بتاعتي كلها محـ,ـروقة جوا الشنطة، كل الهدوم بلا استثناء، ولما ناديت على جوزي وأنا مخضوضة وقف ومنطقش بنص كلمة، سبته ومشيت ورجعت على بيت أمي وأنا مرعوبة، أمي حاولت تستفسر عن سبب اللي أنا فيه بس مقدرتش أنطق بنص كلمة.

. وفضلت على مدار يومين بفكر في الطلاق لأني مبقتش حاسة بأي أمان مع جوزي، وحاسة إني لو كملت فعلًا هيجرالي حاجة، لحد ما لقيت أمي بتقولي إن فيه واحدة برا عاوزاني، وفعلًا خرجت لقيت واحدة معرفهاش، وطلبت مني الأمان لأنها هتحكيلي حاجة خطيرة أوي ولازم أتمالك أعصابي.

. قالتلي إن جوزي قـ,ـتل مراته الأولى وولع في جثـ,ـمانها وهي متـ,ـوفية ودفـ,ـنها، وهي ولأنها صاحبتها الوحيدة اللي عرفت بالموضوع ومقدرتش تبلغ من خوفها لأنها مش عارفة ممكن تتورط ازاي في الموضوع، وقالتلي إنها جاية تحذرني مكملش مع جوزي لأنه مريض وممكن يعمل فيا زي ما عمل في مراته الأولى.

الأكثر قراءة الان

زواج غريب للكاتب/ أحمد محمود شرقاويمنذ شهرالحمل العجيب للكاتب/ أحمد محمود شرقاويمنذ شهرالإنترنت المُظلم للكاتب/ أحمد محمود شرقاويمنذ شهر

. وفعلًا مشيت وسابتني وأنا جسمي كله بيتنفض ومش قادرة حتى أتكلم، عشان كدا شقتنا ولعت، وعشان كدا هدومي ولعت في قلب الشنط كمان، ولو كملت معاه هتأذي لأني وافقت أعيش مع واحد ظالم زي ده، وبعتله وطلبت منه يطلقني وإلا هخرب الدنيا عليه، وهو قرأ رسالتي ومردش عليا.

. وفضلت أسبوع عايشة في رعب كبير لحد ما انتشرت أقاويل وقصة كبيرة في البلد عن (غدير) مرات جوزي الأولى، القصة كانت بتقول إنها خانته بعد جوازهم بفترة بسيطة وقدر يكتشف خـ,ـيانتها، وتمالك أعصابه عليها وقرر إنه يبلغ أهلها ويطلقها، ورفض يديها أي حاجة لأنه كان مشتري كل حاجة حتى هدومها، وهي وعشان أهلها هربت واختفت تمامًا ومحدش عارف راحت فين بعد ما قدرت تاخد دهبها من الشقة، وأهلها اترجوا جوزي ميقولش على اللي حصل ويقول اختفاء وبس.

. وهو سترهم ومتكلمش، بس اللي حصل إنها مهربتش بعيد، دي عاشت عند خالتها في نفس البلد بمعرفة أمها بس، وكانت دايمًا متخفية وبتخرج بلبس بيغطيها كلها، ومش تسكت وتحمد ربنا لا، دي لما عرفت إن جوزها هيتجوز اتجننت وقررت تخرب حياته لأنه فضـ,ـحها بخـ,ـيانتها قدام أهلها..

راحت حرقت شقته، وبعدين قدرت تدخل شقتها القديمة وتحـ,ـرق هدومي كمان، وهي اللي بعتت رسالة التيليجرام اللي قالت فيها (هحـ,ـرقك) ومسحتها عشان تخوفني، وهي اللي بعتت واحدة متأجرة بفلوس عشان تقولي الكلام ده عشان أطلق..

كل ده اتقال لما جوزي فضل ورا موضوع النـ,ـار وراجع الكاميرات، وعمل محضر وقدروا يعرفوا إن مراته الأولى اللي عملت كدا، وكان باعت ناس يراقبوا بيت أمي عشان خاف تأذيني وقدر يعرف هوية الست المتأجرة وعرف منها كل حاجة وراح بلغ عن مراته الأولى وحكى كل حاجة، واتمسكت عند خالتها في النهاية واعترفت بكل حاجة.

. ولقيت نفسي في النهاية راجعة لجوزي، الراجل المحترم اللي فعلًا مفيش فيه غلطة، طلبت منه يسامحني لأن الموقف كان أشد مني ووافق في النهاية ورجعنا، بس اللي فضل في دماغي سنين طويلة بعد ما اتجوزت وخلفت هي مراته الأولى، ازاي الحقد ممكن يوصل الإنسان للمرحلة دي، ازاي إنسان يكون غلطان وبدل ما يحاول يصلح غلطه بيعمل غلطات أكبر وأكبر، وقتها افتكرت الآية اللي بتقول [لَا تَتَّبِعُوا خُطُوَاتِ الشَّيْطَانِ] سورة النور ولقيت فيها إجابة مريحة، مكالمة من ورا الزوج، ثم خيانة، ولما تتكشف بتكابر ومبتحاولش تتوب، بتحاول تكمل في سكة الشـ,ـيطان اللي كل خطوة فيها أكبر من التانية، بس المؤكد إن نهايتها هي هلاكك، فلو مشيت في سكة الشيـ,ـطان خطوة أرجع فورًا لأن كل خطوة فيها بتقلل فرص رجوعك منها.

. بقلم/ أحمد محمود شرقاوي